ကျ​နော်နဲ့ဦးလှိုင်ဘွား × × × × × ×

ကိုလှိုင်ဘွားက လက်ယာရံ။ လက်ဝဲရံကား ကိုဩ။

ဆရာဦးသိန်းဟန် ၏တပည့်နှစ်​ယောက်။ 

သူတို့ကိုစသိ​တော့ ကျ​နော်က တက္ကသိုလ်ပန်းချီခန်းမှာ။

ဆရာဦးသိန်းဟန်၊ ဆရာဦးလွန်းကြွယ်တို့ကို ခရီးဦးကြို

ပြုဧည့်ခံရမည်က ကျ​နော့်တာ၀န်၊ ဒါ​ကြောင့်မို့ သူတို့

နှင့် ကို​အောင်ရင်လဘက်ရည်ဆိုင်တွင်ထိုင်​နေကျ။

တ​နေ့ကိုလှိုင်ဘွားက​ပြောသည်။ ပန်းချီကား​တွေကို

မုန့်ဟင်းခါး​ရောင်းသလို ဆိုင်းထမ်းနှင့်လှည်းတန်းတွင် သွားရောင်းရ​ကောင်းမည်ဟု။

အ​နေတည်​သော်လည်း သူ့တွင်ဟာသရှိသည်။

ဆရာဦးလွန်းကြွယ်က "ကိုလှိုင်ဘွားတို့ဘဲ​အေးတယ်၊

မိန်းမ မရှိ၊ဘာမရှိနဲ့" ဟု​ပြောသည်ကို "ဆရာကသိမှ

မသိဘဲ၊ဒီမှာဖြင့်လိုချင်လိုက်တာ၊ မရလို့" ဟုရယ်သွမ်း​သွေးတတ်သူ။ ကျ​နော် အမျိုးသား​မော်ကွန်းတိုက်တွင်လုပ်​နေစဥ်ကျ​နော်တို့ရုံးမှာ ပြင်သစ်သံရုံးနှင့်ကပ်လျှက်။ ထိုပြင်သစ်သံရုံးတွင် ဒီဗွာနီ ဟု​ခေါ်​သော သံမှူး

တ​ယောက်ရှိသည်။ ၎င်းသံမှူးက ကျ​နော်ထံမှပန်းချီကားတချပ်၀ယ်ဘူးပါသည်။ ထိုသူသည် ကိုလှိုင်ဘွားကိုအသည်းစွဲ။ ကိုလှိုင်ဘွား၏ မဲတဲ၊ မဲတဲ ပန်းချီကားများကိုအလွန်ကြိုက်သည်၊ အလွန်၀ယ်သည်။ ကိုလှိုင်ဘွား၏

ပန်းချီကားများမှာ အ​မှောင်​ရောင်အသုံးများသဖြင့် 

"မဲတဲ၊မဲတဲ" ဟုကျ​နော်က နောက်ခြင်းဖြစ်သည်။ 

ဒီဗွာနီနှင့်သူဇာတ်လမ်း​တွေကိုကျ​နော်သိသည်။ 

ကိုလှိုင်ဘွားသည် ထို​ခေတ်က မော်ဒယ်မ​လေး ဖိုဘီကိတ် (Phoebe Cates) နှင့်လည်းကြိုက်ခဲ့ဘူးသည်ကို

ကျ​နော်သိသည်။ ဖိုဘီကိတ်ကို သူ ပန်း​ပေး​နေသည့်ပုံ

ကျ​နော်သူ့အိမ်တွင်​တွေ့ဘူးသည်။ 

ဖိုဘီကိတ်က​တော့လူ့​လောကကြီးတွင် သူရှိမည်ကို

သိချင်မှသိမည်။ သူကကြိုက်သည်မှာ​တော့​သေချာသည်။

နောက်သူ nude  ပုံ​တွေ​ရေး​တော့ ကျ​နော်ကြိုက်လိုက်တာ။ တခါ​တော့ "ကိုလှိုင်ဘွားရယ်၊  nude ရေးရင်

ကျ​နော့်​ခေါ်စမ်းပါ၊ ကျ​နော်လည်းရေးချင်လို့" ဟု​

ပြောဘူးသည်။ "မြင့်စိုးရာ မ​ရေးချင်စမ်းပါနဲ့၊ ငါ့မှာ 

ဒီပုံ​တွေ​ရေးရတာရာဇဝတ်မှုကျူးလွန်မိသလို ဖြစ်​

နေရတယ်" တဲ့၊ နောက်ထပ်လည်း သူ့ကျတာ့ ကျူးလွန်

မြဲ ကျူးလွန်​နေတာ။ ကျ​နော့်ကျ​တော့ အဲဒီလို​ 

ပြောတယ်ဗျာ။ 

နောက်မှတ်မှတ်ရရ၊ ကိုးရီးယားသံအမတ်က​တော် 

မဒမ်ကွမ်း (Madam Kwang)လုပ်​သော ကိုရီးယား- မြန်မာပန်းချီပြပွဲတွင် သူ​ရေး​သော မိန်းမပျို​လေး​၊ကြောင်

ပိုက်လျှက်အိပ်​နေပုံမှာ ကျ​နော်ကြိုက်လှသည့် ကား။ မိန်းမပျို​လေးက တကယ်အိပ်​နေသည့်အလား၊ 

ကြောင်က​လေးကိုလည်းပိုက်လိုက်​သေး။

ထိုတကားတည်းနှင့်ပင် သူ့ကိုကျ​နော်ခရက်ဒစ်​ပေးသည်။

အဲဒီကားကို​ဖော်ပြထားပါသည်။ ခင်ဗျားတို့လည်းကြိုက်မှာပါ၊ တကယ့်ကို ပန်းချီကားပါဘဲ။ နောက်သူ​ရေးသမျှကား​တွေကို ကြိုက်တာများသည်။ မိန်းက​လေးပုံ​တွေကိုချည်း​ရွေးကြိုက်ပါသည်။ ကောင်းတယ်ဗျ။ 

သူဟန်ကတမျိုး၊ ဘယ်သူနဲ့မှမတူ။ ကျ​နော့်တွင်ပိုက်ဆံ

ရှိလျှင် သူ့ကား​တွေအများကြီး၀ယ်၍ တကိုယ်တော်ပြပွဲလုပ်ပစ်လိုက်ရလျှင်ပေါ့။ စိတ်ကူးကြည့်မိတာပါ။ 

သူ့လက်ရာ​တွေက ပီကာဆို(Picasso) ကား​တွေနဲ့

ဆင်သလားလို့ကျ​နော်​တွေးမိသည်။ ပီကာဆိုကသူ့ကို

မှီး၍​ရေးချင်​ရေးမည်။ ပေါက်​ပေါက်ရှာရှာပါ။

မြင့်စိုး

Summit

2nd of March 2022

Wednesday