နှင်းဆီပွင့်ဖို့
ချစ်ခြင်းမေတ္တာ လိုအပ်တယ်
ဂရုစိုက်မှုတွေ ပေးရုံနဲ့
နှင်းဆီပွင့်တွေ လှပေးကြမှာပါ။
နှင်းဆီက တိုးတိုးလေး ရေရွတ်တယ်
ချစ်တယ် ပြောပြီး
ဂရုစိုက်ခြင်း မခံရတဲ့အခါ
ရေမလောင်းဘဲ ပန်းပင်စိုက်ထားသလိုပါပဲတဲ့
ဒုက္ခအိုးလေးထဲ
ရုန်းကန်ရတာ နေလောင်နေတဲ့
ပန်းတစ်ပွင့်ဖြစ်နေကြောင်း
လေညှင်းလေးတွေ ပြောပြပေးပါ။
ဆောင်းတစ်ရာမင်း
No comments:
Post a Comment