မန္တလာက ရေဆရာ × × × × × ×

 

မ​နေ့တ​နေ့က ပန်းချီသာဆိုင်နှင့်ဆက်သွယ်ဖြစ်သည်။

ကိုသာဆိုင်က အညာ၊ မန္တ​လေးကဖြစ်သည်။

ဆရာ(ဦး)ခင်​မောင်သန်း (မန္တလေး)နှင့်ပတ်သက်၍

သိခြင်းဖြစ်သည်။ ​ရေ​ဆေးပန်းချီကို​ရေး​လေ့ရှိသည်။.

မန္တ​လေးရောက်​တိုင်းမန္တ​လေး​တောင်​ခြေရှိပန်းချီပြခန်းတွင်​တွေ့ရ​လေ့ရှိသည်။ တွေ့ရတိုင်းပန်းချီ​ရေး​နေ​လေ့ရှိသည်။ ပန်းချီ​ရေးရင်းဖြင့်ကျ​နော့်ကိုဧည့်ခံ​လေ့ရှိသည်။

အခု​တော့ ကျ​နော်မန္တ​လေးမ​ရောက်သဖြင့်မ​တွေ့ရတာ

ကြာပြီ။ အခုမှအဆက်အသွယ်ရသဖြင့်စကား​ပြောရသည်။ သူ့ပုံ​တွေကို fb  ပေါ်တွင်​တွေ့ရသည်။ 

အ​တော်​ရေးဖြစ်တာဘဲ ဟု အံအားသင့်ရသည်။ 

ရေး​ဆေးများသဖြင့် အမြဲလိုလို​ရေး​သော​ကြောင့်

ပုံ​တွေအများကြီးပြီးသည်ထင်သည်။ 

သူ့လက်ရာ​တွေက​ကောင်းလှသည်။

ကောင်းမှာ​ပေါ့ out-door ကား​တွေကိုး။ 

မန္တ​လေးဟန်​တော့မကင်း။

နွားလှည်း​လေး​တွေ၊ ရွာအ၀င်လမ်း​လေး​တွေ

အစရှိသဖြင့် ရေ​ဆေးကား​တော်​တော်များများကို​

တွေ့ရသည်။ မန္တ​လေး၏​ရေ​ဆေးအ​​ကျော်အ​မော်

တို့၏ လက်ရာမွန်တို့တွင် စာရင်းဝင်သည်။ 

ရွာအဝင်လက်ပံရဲရဲနဲ့ ကားကို​တော့အ​တော်ကြိုက်မိသည်။ မန္တ​လေးကပန်းချီဆရာ​တွေ လက်ပံ၊ စိန်ပန်းတို့ကို​

ရေး​လေ့ရှိသည်။ လှလည်းလှ၊ကောင်းလည်း​ကောင်းကိုး။ ထူးထူးခြားခြား ဆီ​ဆေးကားတချပ်ကိုလည်း​တွေ့မိသည်။ ရေး​ဆေးကား​တွေကဲ့သို့ပင်​ကောင်းပါသည်။ 

ဆီ​ဆေးကားကို​ရေ​ဆေးကားလို​ ရေးတတ်ရမည် ဟုဆရာကြီးတဦး​ပြောတာကြားမိသလိုလိုပင်၊ 

ဘယ်သူ​​ပြောတာလည်းမမှတ်မိ​တော့။

မန္တ​လေးမြိုရိုးကိုအတွင်းဘက်မှ​ရေးသည့်ကားတချပ်

ကို​တွေ့မိသည်။ out-door လက်ရာပင်ဖြစ်လိမ့်မည်။

ဆရာသာဆိုင့်ကား​တွေကြည့်ရသည်မှာ အကြည်ဓါတ်

က​လေး 'သန္တရသ' ရသည်ဟုဆိုရမည်လား။

မြင့်စိုး

Summit 

20th of February 2022

Sunday