အလှတရားမလေးရေ
ဆွတ်ပျံ့ဖွယ် ဂီတတွေနဲ့ ထာဝရ ပျော်ရွှင်ဖို့ဆိုတာ
မဖြစ်နိုင်ဘူး
တခါတလေမှာ
ဝမ်းနည်း ကြေကွဲ ရအုံးမယ်.....။
အလှတရားမလေးရဲ့
စကားသံတွေက ထာဝရ ချိုသာနေဖို့ ဆိုတာ
မဖြစ်နိုင်ဘူး
တခါတလေမှာ
အော်ဟစ် ကြိမ်းမောင်းနေအုံးမယ်။
အလှတရားမလေးရဲ့
အလှအပတွေဟာ ထာဝရ လှပနေဖို့ဆိုတာ
မဖြစ်နိုင်ဘူး
တစ်ခုသော အချိန်မှာ
ရင့်ရော် အိုမင်းရအုံးမယ်။
ဒါပေမယ့်
အလှတရားမလေးရဲ့
စေတနာအလှ မေတ္တာအလှ တွေဟာ
ထာဝရ လှပနေလိမ့်မယ်။
ဆောင်းတစ်ရာမင်း
၁.၉.၂၀၂၂
No comments:
Post a Comment